काठमाडौं । डडेल्धुरा प्रतिनिधिसभा निर्वाचनमा राष्ट्रिय स्वतन्त्र पार्टी (रास्वपा) का तारा प्रसाद जोशी विजयी भएका छन्।
जोशीले नेपाली कांग्रेसका नैनसिंह महरलाई पराजित गर्दै जित हासिल गरेका हुन्।
मतगणनाअनुसार जोशीले १९ हजार १३१ मत प्राप्त गरेका छन् भने महरले १२ हजार १२१ मत प्राप्त गरेका छन्।
यसअघि २०४८ सालदेखि डडेल्धुरामा नेपाली कांग्रेसका सभापति शेरबहादुर देउवा लगातार विजयी हुँदै आएका थिए। उक्त क्षेत्रमा सात पटकसम्म कांग्रेसका तर्फबाट देउवा नै उम्मेदवार बनेका थिए।
यसपटक भने रास्वपाका जोशीले विजय हासिल गर्दै डडेल्धुराको राजनीतिक समीकरण बदलिएको संकेत दिएका छन्।
