काठमाडौं । काठमाडौंका दुई छुट्टाछुट्टै स्थानमा गाडीमा आगजनी गरिएको अवस्थामा फेला परेको छ। नैकाप र सुकेधारामा सवारी साधन जलाइएको घटनाबारे प्रहरीले अनुसन्धान अघि बढाएको छ।
प्रहरीका अनुसार नैकापस्थित पुल नजिकै बा ७ च १४०१ नम्बरको भ्यान र सुकेधारामा बिएए २८३६ नम्बरको कार आगजनी गरिएको अवस्थामा भेटिएको हो।
घटनास्थलबाट दुर्गा प्रसाईंसँग सम्बद्ध पर्चासमेत बरामद भएको प्रहरीले जनाएको छ। प्रारम्भिक अनुसन्धानका आधारमा प्रसाईं समूहसँग आवद्ध व्यक्तिहरूको संलग्नता हुनसक्ने आशंका गरिएको छ।
प्रहरीले घटनाको विस्तृत अनुसन्धान जारी राखेको जनाएको छ। प्रसाईंले फागुन २१ गते हुने निर्वाचन बिथोल्ने प्रयास गरेको आरोप लाग्दै आएको छ। उनी हाल जिल्ला प्रहरी परिसर भक्तपुरको हिरासतमा रहेका छन्।
