काठमाडौँ । पोखराको लिची बारी जग्गा घुस प्रकरणमा तत्कालीन नागरिक उन्मुक्ति पार्टीकी अध्यक्ष तथा पूर्वमन्त्री रञ्जिता श्रेष्ठसँग विशेष अदालतले ५ लाख रुपैयाँ धरौटी माग गरेको छ।
आइतबार विशेष अदालतका अध्यक्ष सुदर्शनदेव भट्ट तथा न्यायाधीश हेमन्त रावल र डिल्लीरत्न श्रेष्ठको इजलासले उनलाई धरौटीमा रिहा गर्ने आदेश दिएको हो।
अख्तियार दुरुपयोग अनुसन्धान आयोगले घुस डिलसम्बन्धी अडिओ प्रकरणमा पूर्वमन्त्री राजकुमार गुप्ता, रञ्जिता श्रेष्ठसहित ७ जनाविरुद्ध असोज २२ गते मुद्दा दर्ता गरेको थियो।
उक्त प्रकरणमा घुस लेनदेनसम्बन्धी अडिओ सार्वजनिक भएपछि अनुसन्धान अघि बढाइएको जनाइएको छ।
