काठमाडौँ। बेलायती प्रधानमन्त्री केयर स्टारमरले बिहीबार चीन भ्रमण सुरु गर्दैछन्। उनी बुधबार चीन आइपुगेका छन्। आफ्नो भ्रमणको शुरुआतमा स्टारमरले सामाजिक सञ्जालमा लेखेका छन्, “चीनमा अवतरण गरें, म यहाँ बेलायती जनताको लागि काम गर्न आएको हुँ।”
बिहीबार उनी चिनियाँ राष्ट्रपति सी जिनपिङसँग भेट गर्नेछन्। वार्ता व्यापार, लगानी, राष्ट्रिय सुरक्षा र हरित ऊर्जामा केन्द्रित हुने अपेक्षा गरिएको छ।
स्टारमरसँगै करिब ६० सदस्यीय प्रतिनिधिमण्डल पनि चीन पुगेको छ। चार दिने यस भ्रमणको उद्देश्य वर्षौँको तनावपछि बेलायत र चीनबीचको सम्बन्धलाई पुनर्जीवित गर्नु हो।
