काठमाडौं । संघीय संसदअन्तर्गत राष्ट्रिय सभाको विधायन व्यवस्थापन समितिको १६० औँ बैठक आज बस्दैछ। बैठक बुधबार दिउँसो १ बजे सिंहदरबारस्थित संसद भवनको समिति बैठक कक्षमा आयोजना हुने जनाइएको छ।
बैठकको मुख्य कार्यसूचीमा पर्यटन विधेयक, २०८१ को मस्यौदा प्रतिवेदनमाथि छलफल रहेको छ। समितिले उक्त विधेयकका विभिन्न प्रावधानबारे विस्तृत रूपमा विचार–विमर्श गर्नेछ।
यसका साथै बैठकमा अन्य विविध समसामयिक विषयमा पनि छलफल हुने बताइएको छ। समितिले माननीय सदस्यहरू तथा सम्बन्धित सरोकारवालाहरूलाई बैठकमा उपस्थित हुन अनुरोध गरेको छ।
