एजेन्सी — बलिउड अभिनेत्री तथा फिटनेस आइकन शिल्पा शेट्टी हालै मुम्बई विमानस्थलमा आकर्षक रूपमा देखिइन्। अनुशासित जीवनशैली र योग अभ्यासका कारण ५० वर्षीया शिल्पा तन्दुरुस्त, ऊर्जावान र अझै यौवनयुक्त देखिइन्।
फेसन र फिटनेसमा अब्बल शिल्पाको उपस्थितिले सामाजिक सञ्जालमा प्रशंसा बटुलिरहेको छ। एयरपोर्टमा देखिएको उनको स्टाइल र आत्मविश्वासी चालढालले प्रशंसकहरूको ध्यान तान्यो। हालैका घुमफिर र सामाजिक सञ्जालमा राखिएका प्रेरणादायक पोस्टहरूले लाखौंलाई प्रभावित पारिरहेका छन्।
अभिनेत्री, उद्यमी र आमाको भूमिकामा आफूलाई प्रमाणित गरिसकेकी शिल्पा अहिले सिनेमा र व्यवसाय क्षेत्रमा आफ्ना आगामी परियोजनाहरूको तयारीमा व्यस्त छिन्।
