गाईघाट (उदयपुर): विहानैदेखि परेको वर्षासँगै आएको तीव्र आँधी र हावाहुरीले उदयपुर जिल्लाका विभिन्न स्थानमा दर्जनौँ घर र विद्यालयमा क्षति पुर्याएको छ।
जिल्ला प्रहरी कार्यालय उदयपुरका सूचना अधिकारी प्रहरी नायब उपरीक्षक (डीएसपी) केदारमान दोङका अनुसार चौदण्डीगढी नगरपालिका–१० स्थित खैराहा झोडामा हावाहुरीका कारण हर्क श्रेष्ठ, ध्रुव खत्री र सम्भव अधिकारीका घरको छानो उडाएको छ।
यसैगरी, उदयपुरगढी गाउँपालिका–६ को जगेटारमा रहेको एक माध्यमिक विद्यालयको सम्पूर्ण छानो समेत उडाएको छ।
त्रियुगा नगरपालिका, चौदण्डीगढी नगरपालिका र उदयपुरगढी गाउँपालिकाका विभिन्न क्षेत्रमा आएको हावाहुरीले दर्जनौँ घर तथा भौतिक संरचनामा क्षति पु¥याएको प्रहरी कार्यालयले जनाएको छ।
प्रारम्भिक अनुमान अनुसार हावाहुरीका कारण करिब २२ लाख ६० हजार रुपैयाँभन्दा बढीको आर्थिक क्षति भएको डीएसपी दोङले जानकारी दिनुभयो। जिल्लाका अन्य स्थानहरूमा पनि क्षति हुन सक्ने भएकाले थप विवरण संकलनको कार्य भइरहेको प्रहरीले जनाएको छ।
