काठमाडौँ:प्रधानमन्त्री केपी शर्मा ओलीले २५६९औँ बुद्धजयन्तीका अवसरमा सबै नेपालीलाई शान्ति, करुणा र उज्यालो जीवनको शुभकामना दिएका छन्।
आज शुभकामना सन्देश जारी गर्दै प्रधानमन्त्री ओलीले भनेका छन्, “अहिंसाको उज्यालो प्रकाश, मानवता र करुणाको अमूल्य उपहार– यिनै हुन् गौतम बुद्ध।”
फेसबुकमार्फत शुभकामना व्यक्त गर्दै उनले बुद्धजयन्तीले बुद्धको जन्म, ज्ञान प्राप्ति (बोधि) र महापरिनिर्वाणको स्मरण गराउने उल्लेख गरेका छन्।
प्रधानमन्त्री ओलीले बुद्धका मार्गदर्शनले सबैको दृष्टि सम्यक्, विचार शुद्ध र कर्म उज्यालो होस् भन्ने कामना पनि व्यक्त गरेका छन्।
