सिरहा, नवराजपुर: नवराजपुर गाउँपालिकाले आर्थिक विधेयक, २०८१ बुधबारदेखि लागू गर्दै सार्वजनिक सम्पत्तिमा अनियमितता गर्नेहरूलाई कडा आर्थिक कारबाही गर्ने व्यवस्था गरेको छ।
गाउँपालिकाको नयाँ कार्यविधिअनुसार सार्वजनिक स्थल तथा सडकमा जथाभाबी फोहोर फाल्नेले रु ५०० देखि रु २,५०० सम्म जरिवाना तिर्नुपर्नेछ। त्यस्तै, छाडा छाडिएका पशुचौपायाले हानी-नोक्सानी पु¥याएमा सो बराबरको क्षतिपूर्ति तिराउन सकिनेछ।
सार्वजनिक जग्गा अतिक्रमण गरेमा पहिलोपटक रु १०,००० र दोश्रोपटक रु १०,००० देखि रु ५०,००० सम्म जरिवाना लाग्नेछ। अतिक्रमण गरी निर्माण गरिएका भौतिक संरचना हटाउने खर्च सम्बन्धित व्यक्तिबाटै असुल गरिनेछ। तर, आवासको वैकल्पिक व्यवस्था नभएसम्म उनीहरूलाई तत्काल नहटाइने सूचनामा उल्लेख छ।
सार्वजनिक पोखरी अतिक्रमण र सम्पत्तिमा क्षति पु¥याएमा रु ५०,००० देखि रु ५ लाखसम्म जरिवाना तोकिएको छ। व्यक्तिगत घटना दर्ता ३५ दिनभित्र गरेमा निःशुल्क हुने र त्यसपछि दर्ता गर्दा रु ५० जरिवाना तिर्नुपर्ने व्यवस्था पनि गरिएको छ।
गाउँपालिका अध्यक्ष शिव उद्गार यादवले सार्वजनिक जग्गा र सडक अतिक्रमणको समस्या समाधान गर्न यो आर्थिक कार्यविधि प्रभावकारी हुने विश्वास व्यक्त गर्नुभएको छ।
