काठमाडौं: नागरिक उन्मुक्ति पार्टी (नाउपा)का संरक्षक रेशम चौधरी पक्राउ परेपछि आज हुने भनिएको जनमत पार्टी र नाउपाबीचको एकता प्रक्रिया रोकिएको छ।
जनमत पार्टीका अध्यक्ष सीके राउतले एकता घोषणा कार्यक्रम सुरु हुनै लाग्दा नेपाल प्रहरीले रेशम चौधरीलाई नेपाल प्रज्ञा प्रतिष्ठानको कार्यक्रमस्थलबाटै पक्राउ गरी डिल्लीबजार कारागार पठाएको जानकारी दिए।
“हामी यस घटनाको घोर भर्त्सना गर्दछौं। सो घटनाका कारण आजको एकीकरण कार्यक्रम स्थगित गरिएको छ। सबै नेता तथा कार्यकर्तालाई आ–आफ्नो घर फर्किन आग्रह गर्दछौं,” राउतले भने, “अब हामी बैठक बसेर अर्को निर्णयको सूचना छिट्टै दिनेछौं।”
