काठमाडौं: काठमाडौंको तीनकुनेमा प्रहरीमाथि गाडी चलाउन खोजिएको घटनामा व्यवसायी दुर्गा प्रसाईंविरुद्ध ज्यान मार्ने उद्योगको कसुरमा अनुसन्धान अघि बढाइएको छ।
जिल्ला प्रहरी परिसर, काठमाडौंका अनुसार चैत १५ गतेको राजावादी आन्दोलनका क्रममा प्रसाईंले आफ्नै गाडी हुइँकाउँदै प्रहरीमाथि चलाउन खोजेका थिए। सोही घटनालाई लिएर फिल्डमा खटिएका एक प्रहरी अधिकारीले प्रसाईंविरुद्ध ज्यान मार्ने उद्योग अन्तर्गतको कसुरमा निवेदन दिएका हुन्।
प्रहरीले उक्त निवेदनको आधारमा उनीविरुद्ध औपचारिक रूपमा अनुसन्धान सुरु गरिसकेको जनाएको छ।
