काठमाडौं: सहकारी ठगी प्रकरणमा राष्ट्रिय स्वतन्त्र पार्टी (रास्वपा) सभापति रवि लामिछानेलाई थुनामा पठाउने उच्च अदालत बुटवलको तुलसीपुर इजलासको आदेशविरुद्ध सर्वोच्च अदालतमा रिट निवेदन दर्ता गरिएको छ।
रास्वपाका अनुसार शुक्रबार रविको पत्नी निकिता पौडेलले सर्वोच्च अदालतमा रिट दायर गरेकी हुन्।
गत चैत २२ गते उच्च अदालत बुटवलको तुलसीपुर इजलासले लामिछानेलाई सहकारीको रकम ठगीको आरोपमा पुर्पक्षका लागि थुनामा पठाउन आदेश दिएको थियो। सो आदेशपछि उनी कारागार चलान भएका थिए।
यसअघि रुपन्देही जिल्ला अदालतले उनलाई १ करोड रुपैयाँ धरौटीमा रिहा गर्ने आदेश दिएको थियो। तर त्यसविरुद्धको पुनरावेदनमा उच्च अदालतले थुनामा पठाउने निर्णय सुनाएको हो।
रास्वपाले लामिछानेलाई पक्राउ पुर्जी बिना नियन्त्रणमा लिएको र प्रहरीद्वारा ज्यादती गरिएको आरोप लगाउँदै आएको छ।
