काभ्रे: काभ्रेको काभ्रे बहुमुखी क्याम्पस बनेपामा सम्पन्न स्वतन्त्र विद्यार्थी युनियन (स्ववियु) निर्वाचनमा नेपाल विद्यार्थी संघ (नेविसंघ) नेतृत्वको प्यानलले जीत हासिल गरेको छ।
सभापतिका लागि भएको प्रतिस्पर्धामा नेविसंघका उम्मेदवार रोहिन पराजुली १५३ मतको फराकिलो अन्तरले विजयी भए। उनले २७२ मत प्राप्त गर्दा, उनका निकटतम प्रतिस्पर्धी नेकपा एमाले निकट अनेरास्वियुका मिलन गौतमले ११९ मत प्राप्त गरे। गौतम अनेरास्वियु र अखिल क्रान्तिकारी गठबन्धनबाट उम्मेदवार बनेका थिए।
निर्वाचनमा कुल ५४१ मतदातामध्ये ३९६ मत खसेको थियो।
अन्य पदाधिकारीतर्फ सचिवमा नेविसंघकी तीर्थकुमारी भुर्तेल, कोषाध्यक्षमा मनिष श्रेष्ठ विजयी भए। सदस्यहरूमा सुधा श्रेष्ठ, सजिना लामा, मनिष कुँवर (नेविसंघ) तथा सन्ध्या गिरी र सुनिता गुँइत (नेकपा एकीकृत समाजवादी निकट अनेरास्वियु) निर्वाचित भएका छन्।
