काठमाडौं। देशमा हाल पश्चिमी न्यून चापीय प्रणालीको आंशिक प्रभाव रहेको छ, जसका कारण कोशी प्रदेशसहित केही पहाडी क्षेत्रमा आंशिक बदली देखिए पनि अन्य स्थानमा मौसम मुख्यतया सफा रहेको मौसम पूर्वानुमान महाशाखाले जनाएको छ।
कोशी प्रदेश
दिउँसो हिमाली र पहाडी क्षेत्रमा आंशिक बदली रहने सम्भावना छ भने तराईमा मौसम सफा रहनेछ। राति सबै क्षेत्रमा मुख्यतया सफा मौसम रहनेछ।
मधेस प्रदेश
दिउँसो र राति दुवै समयमा तराई क्षेत्रमा मौसम मुख्यतया सफा रहनेछ।
बागमती प्रदेश
हिमाली, पहाडी, र तराई क्षेत्रका सबै भागमा दिउँसो र राति मौसम मुख्यतया सफा रहनेछ।
गण्डकी प्रदेश
दिउँसो र राति हिमाली, पहाडी, र तराई क्षेत्रमा मौसम सफा रहने अपेक्षा गरिएको छ।
लुम्बिनी प्रदेश
पहाडी र तराई क्षेत्रका दुवै क्षेत्रमा दिउँसो र राति मौसम मुख्यतया सफा रहनेछ।
कर्णाली र सुदूरपश्चिम प्रदेश
हिमाली, पहाडी, र तराई क्षेत्रमा दिउँसो र राति मौसम मुख्यतया सफा रहने महाशाखाले जानकारी दिएको छ।
