पोखरा: गण्डकी प्रदेशकी सांसद विमला गौचनको हृदयघातका कारण निधन भएको छ। डेंगी संक्रमणपछि काठमाडौंको ग्राण्डी अस्पतालमा उपचाररत गौचनलाई गएराति १२ बजे हृदयघात भएको थियो, भनी प्रदेश सांसद तथा पूर्वमन्त्री सरस्वती अर्याल तिवारीले जानकारी दिएकी छन्।
गौचन केही समयअघि दामोदर कुण्डको यात्राका क्रममा लेक लागेको कारण स्वास्थ्यमा समस्या उत्पन्न भएपछि हेलिकप्टरबाट उद्धार गरी अस्पताल ल्याइएको थियो। म्याग्दी जिल्लाकी स्थायी बासिन्दा गौचन नेपाली कांग्रेसको तर्फबाट समानुपातिक सांसदका रूपमा प्रदेश सभामा प्रतिनिधित्व गर्दै आएकी थिइन्।
गौचनको असामयिक निधनले गण्डकी प्रदेशमा शोकको वातावरण छाएको छ।
