काठमाडौं । नेपाल विद्युत् प्राधिकरण सञ्चालक समितिको बैठकले महसुल नतिरेका उद्योगहरूको विद्युत् आपूर्ति पुनः जोड्ने निर्णय गरेको छ।
ऊर्जामन्त्री दीपक खड्काको निर्देशनमा मन्त्रिपरिषद्को निर्णयअनुसार बोर्ड बैठकले उद्योगहरूमा पुनः लाइन जोड्ने निर्णय गरेको हो। आइतबारको मन्त्रिपरिषद् बैठकले टीओडी मिटरको आधारमा महसुल तिर्न १५ दिनको समयसीमा तोकी लाइन पुनः जोड्ने निर्णय गरेको थियो।
नेपाल विद्युत् प्राधिकरणले डेडिकेटेड र ट्रंक लाइनमार्फत विद्युत् उपयोग गर्ने उद्योगहरूले महसुल नतिरेपछि कात्तिक ८ गते ३४ वटा उद्योगहरूको लाइन काटेको थियो। तीमध्ये ६ उद्योगले किस्ताबन्दीमा महसुल बुझाउन थालेपछि उनीहरूको लाइन पुनः जोडिएको छ।
