काठमाडौं: अमेरिकी विदेशमन्त्री एन्टोनी ब्लिन्केन र उनका बेलायती समकक्षी डेभिड ल्यामी यसै साता सँगै युक्रेनको भ्रमण गर्ने भएका छन्। दुवैले यो युक्रेनलाई रुसको विरुद्धमा समर्थन गर्ने महत्वपूर्ण क्षण भएको बताए ।
डेभिड ल्यामीले दशकौंमा पहिलो पटक यस्तो भ्रमण हुने बताए । यसले युक्रेनप्रति पश्चिमी देशहरूको प्रतिबद्धता देखाउनेछ। ब्लिन्केनले अमेरिका र बेलायतको प्राथमिकता युक्रेनको सुरक्षामा सहयोग गर्नु रहेको बताए ।
डेभिड ल्यामी र एन्टोनी ब्लिन्केनले चीन, इरान र उत्तर कोरियाले रुसलाई सहयोग गरिरहेको आरोप लगाएका छन् ।
ब्लिन्केनले इरानले रुसलाई ब्यालेस्टिक क्षेप्यास्त्र दिएको भन्दै अमेरिकाले इरानविरुद्ध नयाँ प्रतिबन्धको घोषणा गर्ने बताए ।
वास्तवमा रुस र युक्रेनबीच फेब्रुअरी २०२२ देखि युद्ध चलिरहेको छ ।
