गाजा: लेबनानका राष्ट्रपति जोसेफ आउनले बेरुतमा इजरायलले गरेको आक्रमणलाई लेबनान विरुद्धको ‘खतरनाक चेतावनी’ को रूपमा व्याख्या गरेका छन्।
बेरुतको दक्षिणी उपनगरमा भएको इजरायली आक्रमणको निन्दा गर्दै राष्ट्रपति आउनले अन्तर्राष्ट्रिय समुदायलाई लेबनानको पूर्ण सार्वभौमसत्ताको रक्षा गर्न समर्थन जनाउन आग्रह गरेका छन्।
उनले जारी गरेको विज्ञप्तिमा भनिएको छ, “इजरायली आक्रमकता रोक्नका लागि विश्वभर रहेका लेबनानका मित्र राष्ट्रहरूलाई सम्बोधन गर्न आवश्यक छ। हामी आफ्नो भूमि र सार्वभौमसत्ताको रक्षा गर्न थप प्रयास गर्नुपर्नेछ।”
राष्ट्रपति आउनले इजरायली हमलालाई लेबनानको सुरक्षा र स्थायित्वका लागि गम्भीर खतरा भएको बताएका छन्।
