बाँकेको कोहलपुर नगरपालिका–११ स्थित बसपार्कबाट प्रहरीले जुवा खेलिरहेका ५ जनालाई पक्राउ गरेको छ । बसपार्कमा रहेको होटेल रेडिसनबाट गएराति जुवाडेहरुलाई पक्राउ गरिएको जिल्ला प्रहरी कार्यालय बाँकेले जनाएको छ ।
ईलाका प्रहरी कार्यालय कोहलपुरबाट खटिएको टोलीले जुवा खालबाट ३ लाख ६२ हजार ६ सय ५० रूपैयाँ नगद बरामद गरेको छ । आरोपीहरुलाई जुवा मुद्दामा म्याद लिएर अनुसन्धान गरिने जिल्ला प्रहरी कार्यालय बाँकेले जानकारी दिएको छ ।
