काठमाडौँ । बिहीबार नेपाली बजारमा सुनचाँदीको मूल्यमा वृद्धि भएको छ। नेपाल सुनचाँदी व्यवसायी महासंघका अनुसार छापावाल सुनको मूल्य तोलामा १ लाख ५१ हजार ५०० रुपैयाँ पुगेको छ। अघिल्लो दिन अर्थात् बुधबार छापावाल सुनको मूल्य तोलामा १ लाख ५१ हजार रुपैयाँ रहेको थियो। यसरी, एक दिनको अन्तरालमा सुनको मूल्य ५०० रुपैयाँले बढेको हो।
यस्तै, चाँदीको मूल्य पनि वृद्धि भएको छ। महासंघका अनुसार बुधबार तोलामा १ हजार ७६५ रुपैयाँ रहेको चाँदी बिहीबार बढेर १ हजार ७९० रुपैयाँमा कारोबार भएको छ।
महासंघले यी विवरणहरू आफ्नो आधिकारिक वेबसाइटमा प्रकाशित गरेको छ।
