काठमाडौं: पोप फ्रान्सिसको अन्त्येष्टि आगामी शनिबार, अप्रिल २६ मा हुने भएको छ। भ्याटिकनले अन्त्येष्टि समारोह स्थानीय समयअनुसार बिहान १० बजे सुरु हुने जानकारी दिएको छ।
अन्त्येष्टि भ्याटिकन सिटीस्थित सेन्ट पिटर बासिलिकाको अगाडि सम्पन्न हुनेछ। भ्याटिकनका अनुसार पोपको पार्थिव शरीर बुधबार बिहान ९ बजे सेन्ट पिटर बासिलिकामा सार्वजनिक श्रद्धाञ्जलीका लागि ल्याइनेछ।
अन्त्येष्टिसम्मको समयसम्म पोपको पार्थिव शरीर त्यहीं राखिनेछ, ताकि श्रद्धालुहरूले अन्तिम श्रद्धाञ्जली अर्पण गर्न सकून्।
हाल उनको शव सान्ता मार्टा निवासको प्रार्थना गृहमा राखिएको छ। यही निवासमा उनी विगत १२ वर्षदेखि पोपका रूपमा बस्दै आएका थिए।
