काठमाडौं: नेपाल आयल निगमले शुक्रबारदेखि लागू हुने गरी पेट्रोल र डिजेल/मट्टीतेलको मूल्य घटाएको छ।
अब पेट्रोलको मूल्य प्रतिलिटर १ रुपैयाँले र डिजेल तथा मट्टीतेलको मूल्य प्रतिलिटर ३ रुपैयाँले घटाइएको हो।
यससँगै नयाँ मूल्यअनुसार:
काठमाडौं, पोखरा र दिपायलमा पेट्रोल १५७ रुपैयाँ र डिजेल १४२ रुपैयाँ प्रतिलिटर पुगेको छ।
सुर्खेत र दाङमा पेट्रोल १५६ रुपैयाँ र डिजेल १४१ रुपैयाँ कायम भएको छ।
अन्य स्थानहरूमा पेट्रोल १५४.५० रुपैयाँ र डिजेल १३९.५० रुपैयाँ प्रतिलिटर तय गरिएको छ।
निगमका अनुसार इन्डियन आयल कर्पोरेसनबाट बिहीबार प्राप्त नयाँ मूल्य सूचीअनुसार मूल्य समायोजन गरिएको हो।
यस आधारमा पेट्रोलमा प्रतिलिटर १.०८ रुपैयाँ र डिजेलमा २.८० रुपैयाँ मूल्य घटेर आएको निगमले जनाएको छ।
