काठमाडौं: दक्षिण कोरियामा आकर्षक रोजगारी दिलाइदिने प्रलोभन देखाई तीन जनासँग ठगी गरेको आरोपमा फरार रहेका रमेश कुमार यादवलाई प्रहरीले काठमाडौंको पेप्सीकोला क्षेत्रबाट पक्राउ गरेको छ।
काठमाडौं उपत्यका अपराध अनुसन्धान कार्यालय, टेकुबाट खटिएको प्रहरी टोलीले उनलाई पक्राउ गरेको हो। यादवले रु. २६ लाख ८० हजार रुपैयाँ लिएको तर विदेश नपठाई सम्पर्कविहीन बनेपछि पीडितहरूले जाहेरी दिएका थिए।
प्रहरीका अनुसार यादवविरुद्ध अन्य २ वटा ठगीसम्बन्धी मुद्दा पनि विभिन्न प्रहरी कार्यालयमा दर्ता भइसकेका छन्।
पक्राउ परेका अभियुक्तको विवरण:
नाम: रमेश कुमार यादव
उमेर: ३२ वर्ष
स्थायी ठेगाना: इनरुवा नगरपालिका–७, सुनसरी
हालको बसोबास: कागेश्वरी मनोहरा नगरपालिका–१६, पेप्सीकोला, काठमाडौं
बिगो रकम: रु. २६,८०,०००
पीडितको संख्या: ३ जना
पक्राउपछि यादवलाई थप अनुसन्धान तथा कानुनी कारबाहीका लागि वैदेशिक रोजगार विभाग, ताहाचल, काठमाडौंमा पठाइएको प्रहरीले जनाएको छ।
