लमजुङ सदरमुकाममा जारी नेपाल तरुण दलको अधिवेशनको क्रममा खुकुरी प्रहार भएको छ।
कार्यक्रम सुरु भएपछि बाहिरबाट आएको एक समूहले अधिवेशन रोक्ने प्रयास गर्दा स्थिति असामान्य बनेको प्रत्यक्षदर्शीहरूको भनाइ छ।
एक सहभागीले भने, “कार्यक्रम सुरु भइसकेपछि बाहिरबाट एक टोली आएर अवरोध गर्यो। भित्र कार्यक्रम गरिरहेका समूहले प्रतिवाद गरेपछि स्थिति तनावपूर्ण बन्यो। त्यसपछि बाहिर निस्किएपछि खुकुरी प्रहार भयो।”
अधिवेशनलाई लिएर केही दिनदेखि स्थानीय तरुणहरूबीच विवाद देखिएको थियो। घटनामा तीन जना घाइते भएका छन्। घाइतेहरूको स्थानीय अस्पतालमा उपचार भइरहेको जनाइएको छ।
प्रहरीले स्थिति नियन्त्रणमा लिन खोजिरहेको छ भने घटनाबारे थप अनुसन्धान भइरहेको छ।
