काठमाडौं – नेपाली सेनाले अत्यावश्यक कामबाहेक घरबाहिर ननिस्कन आम नागरिकलाई आग्रह गरेको छ। बुधबार बिहानैदेखि सेनाले विभिन्न स्थानमा माइकिङ गर्दै र बाहिर निस्किएका नागरिकलाई रोक्दै घरमै बस्न आग्रह गरेको हो।
सेनाका अनुसार, अत्यावश्यक सेवा क्षेत्रमा संलग्न व्यक्तिहरूलाई परिचयपत्रका आधारमा कार्यालय पुग्न रोकावट गरिएको छैन।
गत दुई दिनको जेनजी आन्दोलनले जनधन र भौतिक संरचनामा क्षति पुर्याएपछि, हाल काठमाडौंका विभिन्न सडकमा नेपाली सेनाले सुरक्षा प्रदान गरिरहेको छ।
सैनिक जनसम्पर्क तथा सूचना निर्देशनालयले शान्ति–सुरक्षा कायम राख्न सुरक्षा निकाय सक्रिय रहेको जानकारी दिएको छ।
