काठमाडौँ । मेडिकल व्यवसायी दुर्गा प्रसाईँलाई सर्वोच्च अदालतले थुनामुक्त गर्ने आदेश दिएका छन्। आइतबार डा. नहकुल सुवेदी र श्रीकान्त पौडेलको संयुक्त इजलासले प्रसाईँलाई थुनामुक्त गर्न आदेश दिएका हुन्।
यस आदेशअघि प्रसाईँका छोरा निराजनले दायर गरेको बन्दी प्रत्यक्षीकरणको रिटमा सुनुवाइ गर्दै सर्वोच्चले उनलाई थुनामुक्त गर्न निर्देशन दिएको हो। अदालतले अभिव्यक्तिको अधिकारमा मात्र पक्राउ गर्नु स्वेच्छाचारी उल्लङ्घन हुने उल्लेख गरेको छ।
आदेशमा भनिएको छ कि मंसिर ६ गते महाअभियानले सञ्चालन गर्ने कार्यक्रम शान्तिपूर्ण ढंगले सम्पन्न गर्ने सहमति भइसकेको र अनुसन्धानको आवश्यकताका लागि हिरासतमा राख्ने औचित्य समेत समाप्त भइसकेको हुँदा पक्राउपूर्जी र अनुसन्धानसम्बन्धी सबै काम कारबाही बदर गरिएको छ।
प्रसाईँ, जो राष्ट्र, राष्ट्रियता, धर्म–संस्कृति र नागरिक बचाउ महाअभियानका संयोजक हुन्, मंसिर २ गते मध्यरात भक्तपुरस्थित निवासबाट पक्राउ परेका थिए। उनले मंसिर ७ मा आन्दोलन गर्ने बताएका थिए, तर सरकार र प्रसाईँ पक्षबीच शनिबार आन्दोलन फिर्ता गर्ने सहमति भएको थियो।
