Homeकोरोना बिशेषसंक्रमित संख्याका आधारमा अस्पताललाई बहिरंग सेवा, आइसियु र भेन्टिलेटरमा बिरामी बढे

संक्रमित संख्याका आधारमा अस्पताललाई बहिरंग सेवा, आइसियु र भेन्टिलेटरमा बिरामी बढे

कोरोना भाइरस कोभिड—१९ को दोस्रो लहरमा संक्रमणको गति बढ्दै जाँदा गम्भीरखालका बिरामीको संख्या बढ्न थालेको छ । काठमाडौं उपत्यकामा स्वास्थ्यमा गम्भीर समस्या देखिएका बिरामीले अस्पताल भर्ना हुनका लागि आइसियु बेडको अभाव देखिन थालेको छ । भेन्टिलेटरमा उपचाररत बिरामी निको भएपछि वा मृत्यु भएपछि मात्रै भेन्टिलेटरमा पालो पाउने अवस्था देखिएको छ ।

पिसिआर तथा एन्टिजोन विधिबाट परीक्षण गरेकामध्ये एक तिहाईमा संक्रमण पुष्टि भएको छ ।  गएको २४ घण्टामा ४ हजार ५२४ जना कोरोनाबाट संक्रमित भएको स्वास्थ्य तथा जनसंख्या मन्त्रालयले जनाएको छ ।

स्वास्थ्य मन्त्रालयअनुसार मंगलबार आइसियु तथा भेन्टिलेटरमा उपचारत संक्रमितको संख्या देशभर ३९९ छ । २१५ जना आइसियु र ८४ जना भेन्टिलेटरमा गरी ३९९ जना बिरामी उपचाररत छन् ।

दशभरका अस्पतालहरुमा भर्ना भएका कोरोना भाइरस कोभिड—१९ संक्रमित बिरामीमध्ये आइसियू र भेन्टिलेटरमा उपचाररतको आँकडा यस्तो छ ।

मंगलबार स्वास्थ्य तथा जनसंख्या मन्त्रालयले संक्रमितको संख्या तिव्र गतिमा बढ्दै गएपछि हाल भएका स्वास्थ्य पूर्वाधारले नधान्ने अवस्था सिर्जना हुन सक्ने बताएको छ ।

यस्तो अवस्थामा कोभिड—१९ का बिरामीको उपचारका लागि १५ देखि दुई सय बेड क्षमता भएका अस्पतालसँग सम्झौता गर्न मातहतका निकायलाई मन्त्रालयले निर्देशन दिएको छ ।

कोरोना संक्रमणको दोस्रो लहर देशभर तिव्ररुपमा फैलिएसँगै सरकारी, निजी एवं सामुदायिक अस्पतालमा संक्रमित बिरामीको उपचारका लागि सम्झौता गर्न प्रदेशका सामाजिक विकास मन्त्रालयलाई निर्देशन दिएको मन्त्रालयका सहप्रवक्ता डा. समीरकुमार अधिकारीले बताए ।

यस्तै, सबै मेडिकल कलेज, अस्पतालहरू र २ सयभन्दा बढी बेड भएका अस्पतालहरू स्वास्थ्य तथा जनसंख्या मन्त्रालयले सम्झौता गर्ने बताइएको छ ।

काठमाडौं उपत्यकाका विभिन्न अस्पतालमा कोरोना संक्रमित ४४ जना आइसियुमा छन् भने भेन्टिलेटरमा ११० जना उपचारत छन् ।

१७ जिल्लामा २०० भन्दा बढी संक्रमित भेटिए

कोरोना संक्रमण काठमाडौं उपत्यकासहित तराई र पहाडमा केही जिल्लामा संक्रमितको संख्या ५ सयमाथि नाघेको छ । हालसम्म १७ जिल्लामा २०० भन्दा माथि संक्रमित पुष्टि भएको स्वास्थ्य  मन्त्रालयले जनाएको छ ।

त्यस्तै ५०० भन्दा माथि संक्रमित रहेको संख्या १० पुगेको छ । संक्रमण दर बढ्दै गएपछि सरकारले २०० भन्दा धेरै संक्रमित भएका पहाडी जिल्ला र ५०० माथि संक्रमित भएका तराईका जिल्लाहरुमा निषेधाज्ञा जारी गर्न सक्ने निर्णय यसअघि नै गरिसकेको छ । काठमाडौं उपत्यकामा वैशाख १६ गतेदेखि निषेधाज्ञा जारी गर्न निर्णय भएको छ भने बाँके लगायतका केही जिल्लाले निषेधाज्ञा गरिसकेका छन् ।

दुईसय र पाँचसय संक्रमित पुगेका हिमाल, पहाड र तराईका जिल्लाहरूले निषेधाज्ञा गर्ने तयारी गरिरहेका छन् ।  ५ सय भन्दामाथि संक्रमित जिल्लाहरुमा मोरङ, पर्सा, काठमाडौं, भक्तपुर, ललितपुर, चितवन, कास्की, दाङ, बाँके, रुपन्देही पर्छन् ।

त्यस्तै दुई सय भन्दामाथि सक्रमित भएका सुनसरी, बारा, मकवानपुर, पाल्पा, बर्दिया, कपिलबस्तु, सुर्खेत, कन्चनपुर र कैलाली जिल्ला छन् । काठमाडौंपछि बाँकेमा धेरै संक्रमित देखिएका छन् । त्यहाँ मंगलबार मात्रै ४ हजार ५ २४ मा कोरोना पुष्टि भएको छ ।

बिदामा बसेका कर्मचारीलाई तुरुन्त हाजिर स्वास्थ्य मन्त्रालयको निर्देशन

स्वास्थ्य मन्त्रालयले चिकित्सक तथा स्वास्थ्यकर्मीलाई लामो बिदा नदिन र यसअघि लामो बिदामा बसेका कर्मचारीलाई तुरुन्त कार्यालयमा हाजिर गराउन अस्पतालहरुलाई निर्देशन दिएको सहप्रवक्ता डा. अधिकारीले बताए ।

उपलब्ध स्वास्थ्य शैय्या, जनशक्ति, कोभिड–१९ संक्रमित बिरामीहरुको संख्या आदिका आधारमा अस्पतालले बहिरंग सेवा, सर्जरीलगायतका सेवा हाललाई स्थगित गर्ने निर्णय पनि मन्त्रालयले जनाएको छ ।

त्यसैगरी स्वास्थ्य संस्थामा कार्यरत जनशक्तिमध्ये ५० प्रतिशत जनशक्तिको पालो निर्धारण गरी सेवा दिने व्यवस्था गर्नसमेत मन्त्रालयले निर्देशन दिएको छ ।

रातोपाटीबाट साभार

सम्बन्धित समाचार
- Advertisment -spot_img

ताजा समाचार

धेरै कमेन्ट गरिएका