काठमाडौँ: भारतीय कमेडियन सुनिल ग्रोवर नेपाल आएका छन्। ‘सुनिल ग्रोवर लाइभ इन नेपाल’ मा प्रस्तुति दिन उनी बिहीबार नेपाल आइपुगेका हुन्। कार्यक्रम शुक्रबार बानेश्वरस्थित एभरेस्ट होटेलको मैदानमा हुनेछ।
यस कार्यक्रमको आयोजना लिक्वीट इन्टिलिजेन्सले गरेको हो। सुनिल ग्रोवर चर्चित कमेडी शो ‘द कपिल शर्मा शो’ मार्फत दर्शकमाझ लोकप्रिय बनेका कलाकार हुन्। उनले शोमा ‘रिन्कु भाबी’ र ‘डा. मशहूर गुलाटी’ को भूमिकामा अभिनय गरेर सबैको मन जितेका थिए।
ग्रोवर यसअघि वि.सं. २०७४ मा पनि नेपाल आएका थिए। उनले त्यतिबेला एक कार्यक्रमका लागि नेपाल भ्रमण गर्दा पशुपतिनाथ मन्दिरको दर्शन गरेका थिए।
