काठमाडौँ: प्रधानमन्त्री केपी शर्मा ओलीले बाल गायक सचिन परियारको निधनको खबरले आफू दुःखी भएको बताएका
छन् । उनले पारिवारिक बेमेल र सामाजिक सञ्जालको भाइरल प्रवृत्तिले सचिनमाथि नकारात्मक प्रभाव पारेको उल्लेख गर्दै, यस घटनाले संवेदनशील विषयमा सचेत भएर प्रतिक्रिया दिनु पर्ने पाठ सिकाएको बताएका छन् ।
ओलीले फेसबुकमार्फत भनेका छन्, “एकजना प्रतिभाशाली बालकमाथि पारिवारिक बेमेल र सामाजिक सञ्जालको भाइरल प्रवृत्तिले असर पुर्याएको यस घटनाले हामीलाई सामाजिक सम्बन्धका संवेदनशील विषयमा सजग भएर मात्र प्रतिक्रिया दिनु पर्छ भन्ने कुरा सिकाएको छ।”
प्रधानमन्त्री ओलीले बाल गायक सचिनप्रति श्रद्धाञ्जली व्यक्त गर्दै उनको निधनमा गहिरो शोक प्रकट गरेका छन् ।
