काठमाडौँ । राष्ट्रिय स्वतन्त्र पार्टी (रास्वपा) की सांसद इन्दिरा रानामगरले राष्ट्रिय बाल अधिकार परिषद् खारेज गर्ने निर्णय तत्काल फिर्ता लिन सरकारसँग माग गरेकी छिन्।
बिहीबार प्रतिनिधिसभा बैठकमा बोल्दै उनले उक्त माग गरेकी हुन्।
अघिल्लो सरकारले सो निर्णय गरेको भन्ने सुनिन आएको भन्दै सांसद रानामगरले त्यसमा सरकारले पुनर्विचार गर्नुपर्ने बताइन्। उनले बालबालिकाको हक, हित र संरक्षणका लागि वैकल्पिक व्यवस्था नै नगरी परिषद् खारेज गरिएको भन्दै आक्रोश पनि व्यक्त गरिन्।
सांसद रानामगरले सरकारले बालबालिकाको संरक्षणलाई गम्भीर विषयका रूपमा लिएर आवश्यक कदम चाल्नुपर्नेमा जोड दिइन्।
