काठमाडौँ: बालगायक सचिन परियारको बिहीबार बिहान निधन भएको छ। महाराजगञ्जस्थित टिचिङ अस्पतालमा निमोनियाको उपचारका क्रममा बिहान १० बजे उनको मृत्यु भएको अस्पताल स्रोतले पुष्टि गरेको छ।
भाइरल बालगायकका रूपमा परिचित सचिनले थुप्रै लोकप्रिय गीत गाएका थिए। उनले अभिनेता राजेश हमालसँग एक म्युजिक भिडियोमा अभिनय गरेका थिए भने हास्य सिरियल ‘मेरी बास्सै’मा पनि भूमिका निर्वाह गरेका थिए।
उनका ‘रातो रबर एक’, ‘रुमाल खस्छकी’, ‘के छ र हजुर’, ‘बरको छायाँले’जस्ता गीतहरू निकै चर्चित छन्।
