काठमाडौँ: नेपाल प्रहरीका प्रहरी अतिरिक्त महानिरीक्षक (एआइजी) रविन्द्र केसीले राजीनामा दिएका छन्। पुस २६ गते डिआइजीबाट बढुवा भई एआइजी बनेका केसीले प्रहरी प्रधान कार्यालयमा राजीनामा बुझाएको स्रोतले जनाएको छ।
केसीको पदावधि चैत ५ गतेसम्म बाँकी थियो, तर उनले कार्यकाल समाप्त हुनुअगावै राजीनामा दिएका हुन्। राजीनामाको कारण खुलेको छैन। उनी प्रदेश समन्वय विभागमा कार्यरत थिए।
केसीको राजीनामाबारे सोमबार बस्ने मन्त्रिपरिषद् बैठकले निर्णय गर्ने अपेक्षा गरिएको छ।
