काठमाडौँ: भारत भ्रमणमा रहनुभएका नेपाल समाजवादी पार्टी (नयाँ शक्ति)का अध्यक्ष डा. बाबुराम भट्टराईले उच्चस्तरीय राजनीतिक भेटवार्ता गर्नुभएको छ।
डा. भट्टराईले भारतीय जनता पार्टीका वरिष्ठ नेता तथा रक्षामन्त्री राजनाथ सिंहसँग सोमबार भेटवार्ता गर्नुभएको हो। उहाँको सचिवालयका अनुसार भेटमा नेपाल–भारत सम्बन्धलाई सुदृढ गर्दै विकास र आर्थिक सहकार्यलाई नयाँ उचाइमा लैजाने विषयमा संवाद भएको छ।
सो अवसरमा पूर्वप्रधानमन्त्री डा. भट्टराईले हालै कश्मीरको पहेलगाममा सर्वसाधारणमाथि भएको आतङ्कवादी हमलाको घोर निन्दा गर्दै गहिरो दुःख व्यक्त गर्नुभएको थियो।
डा. भट्टराई प्रगतिशील नेपाली समाज समिति, भारतको अधिवेशन उद्घाटनका लागि भारत भ्रमणमा रहनुभएको हो।
