काठमाडौं: रुसी राष्ट्रपति भ्लादिमिर पुटिनसँगको फोन वार्तापछि अमेरिकी पूर्वराष्ट्रपति डोनाल्ड ट्रम्पले युक्रेनलाई चेतावनी दिएका छन्। ट्रम्पका अनुसार पुटिनले युक्रेनबाट रुसी हवाई अड्डाहरूमा भएको ठूलो ड्रोन आक्रमणको कडा प्रतिक्रिया दिने संकेत दिएका छन्।
फोन वार्तापछि सामाजिक सञ्जालमार्फत ट्रम्पले भने, “राष्ट्रपति पुटिनले विमानस्थलहरूमा भएको हालको आक्रमणबारे कडा शब्दमा प्रतिक्रिया जनाउँदै, यसका लागि जवाफ आवश्यक हुने बताएका छन्।”
यो संकेत रुसले युक्रेनविरुद्ध छिट्टै बदला स्वरूपको कारबाही गर्ने सम्भावनातर्फ इङ्गित गर्छ। यद्यपि, बुधबार राति रुसी अधिकारीहरूले यस विषयमा कुनै औपचारिक पुष्टि गर्न अस्वीकार गरेका छन्। तर, रुसले सम्भावित प्रतिक्रियाका लागि सैन्य विकल्पहरू छलफल भइरहेको बताइसकेको छ।
ट्रम्पले पुटिनसँगको एक घण्टाभन्दा लामो फोन संवादपछि उल्लेख गरेका छन् कि सो संवादले रुस–युक्रेनबीच “तत्काल शान्ति” ल्याउने संकेत भने नदिएको हो।
