काठमाडौं । नेपाली कांग्रेस को केन्द्रीय कार्यसमितिको बैठक आज बस्दैछ। बैठक बिहान ११ बजे पार्टी केन्द्रीय कार्यालय सानेपामा बस्ने कार्यवाहक मुख्यसचिव कृष्णप्रसाद दुलाल ले जानकारी दिएका छन्।
बैठकमा समसामयिक राजनीतिक विषय, सुशासन स्थापना, संविधान संशोधनका लागि अध्ययन तथा सुझाव दिन विज्ञसहितको समिति गठन, पार्टीको १५औँ महाधिवेशनको कार्यतालिका तथा केन्द्रीय निर्वाचन समिति गठनका विषयमा छलफल हुने जनाइएको छ।
त्यस्तै, प्रतिनिधिसभा सदस्यहरूको अभिमुखीकरण, क्रियाशील सदस्यता वितरण तथा अद्यावधिक अभियान, प्रदेश र स्थानीय सरकारको समीक्षा तथा समन्वय, भ्रातृ सङ्घ, शुभेच्छुक संस्था र जनसम्पर्क समितिसम्बन्धी विषय, केन्द्रीय लेखा समिति गठन लगायतका एजेण्डामा पनि छलफल हुने बताइएको छ।
बैठकमा हालसम्म १८ जना केन्द्रीय सदस्यले आ–आफ्नो धारणा राखिसकेका छन्।
