काठमाडौँ। राष्ट्रिय स्वतन्त्र पार्टी (रास्वपा) का सभापति रवि लामिछानेको हिरासतमा सुतिरहेको फोटो खिच्ने डा. निकोलस भुसाललाई आज अदालतमा पेस गरिँदैछ।
बिहीबार कास्की जिल्ला अदालतमा आफैं उपस्थित भएका भुसाललाई बयान नसकिएपछि न्यायाधीशले उनलाई प्रहरीको जिम्मा लगाउने आदेश दिएका थिए।
डा. भुसालले लामिछाने जिल्ला प्रहरी कार्यालय, कास्कीको हिरासतमा सुतिरहेको तस्बिर खिची सार्वजनिक गरेका थिए, जसका कारण उनीमाथि साइबर अपराध सम्बन्धी कसुरमा अभियोगपत्र दायर भएको छ।
जिल्ला प्रहरी कार्यालय कास्कीका डीएसपी वसन्त शर्माका अनुसार भुसाललाई आज अदालतमा बयानका लागि प्रस्तुत गरिनेछ।
