काठमाडौँ:राजधानी काठमाडौँ प्रवेश गर्ने मुख्य नाका नागढुङ्गा–नौबिसे सडकखण्ड निर्माण कार्यका लागि आगामी जेठ १० गतेदेखि २५ गतेसम्म प्रत्येक दिन बिहान १०:३० बजेदेखि दिउँसो ३:०० बजेसम्म बन्द गरिने भएको छ।
काठमाडौँका प्रमुख जिल्ला अधिकारी ऋषिराम तिवारीका अनुसार काठमाडौँ र धादिङ जिल्ला प्रशासन कार्यालयको समन्वयमा निर्माण कार्यको सहजताका लागि यस्तो निर्णय गरिएको हो। यसअघि सो सडकखण्डमा रातिको समयमा काम हुँदै आएको थियो।
प्रजिअ तिवारीले भन्नुभयो, “निर्माण आयोजनाले नागढुङ्गा–पिपलामोड सडक विस्तारका लागि रातिमा भत्काउने काम सम्पन्न भइसकेको र अब बाँकी संरचनात्मक निर्माण कार्य प्राविधिक कारणले दिउँसो गर्नुपर्ने प्रस्ताव आएको थियो। सोहीअनुसार अनुमति दिइएको हो।”
यस अवधिमा सवारी आवागमनलाई व्यवस्थापन गर्न **नारायणगढ–मुग्लिन सडक योजना (पूर्वी खण्ड)**ले सूचना जारी गर्दै काठमाडौँबाट बाहिरिने सवारीसाधनलाई नागढुङ्गामा र बाहिरबाट काठमाडौँ प्रवेश गर्ने सवारीलाई खानीखोलामा रोक्ने जानकारी दिएको छ।
सडक बन्द अवधिमा वैकल्पिक मार्गको रूपमा धार्के–सितापाइला मार्ग र टोखा–छहरे–त्रिशूली–गल्छी सडक प्रयोग गर्न अनुरोध गरिएको छ।
