काठमाडौँ: काठमाडौँको दरबारमार्गस्थित हिटीपोखरी नजिकै रहेको निर्माणाधीन भवनमा लिफ्टको सिक्री चुँडिएर दुई मजदुरको ज्यान गएको छ।
मृत्यु हुनेमा कैलाली घर भएका करिब ३२ वर्षीय प्रदेशी चौधरी र बर्दिया घर भएका करिब २२ वर्षीय विशाल चौधरी रहेका छन्।
पोतला डेभलपमेन्ट प्रालिद्वारा निर्माणाधीन ९ तले भवनको चौथो तलामा लिफ्टमा चढेर ग्रिज लगाउने काम गर्दै गर्दा सिक्री चुँडिएर उनीहरू खसेका थिए।
सोमबार साँझ करिब ५ बजे भएको यस दुर्घटनाबारे जानकारी दिंदै जिल्ला प्रहरी परिसर, काठमाडौँका एसपी अपिल बोहराले दुबै जनाको घटनास्थलमै मृत्यु भएको पुष्टि गरेका छन्।
दुवै शव हाल वीर अस्पतालमा राखिएको प्रहरीले जनाएको छ।
