तनहुँ । डुम्रे–बेँसीसहर सडकअन्तर्गत तनहुँको भानु नगरपालिकाको कुकुदी–तुरतुरे खण्ड दैनिक आठ घण्टा बन्द हुने भएको छ ।
भानु नगरपालिका–३ कुकुदीदेखि तुरतुरेसम्म सडक विस्तारका लागि यही चैत २१ देखि ३० गतेसम्म दैनिक आठ घण्टा सडक अवरुद्ध गरी काम गरिने जनाइएको छ ।
जिल्ला प्रशासन कार्यालयका अनुसार मध्याह्न १२ः०० बजेदेखि दिउँसो ४ः०० बजेसम्म तथा बेलुका ५ः०० बजेदेखि राति ९ः०० बजेसम्म सडक बन्द रहनेछ ।
उक्त अवधिमा सवारी साधन सञ्चालनमा असुविधा हुने भएकाले प्रशासनले सबैलाई वैकल्पिक सडक प्रयोग गर्न आग्रह गरेको छ ।
