काठमाडौं: अमेरिकी सहायता संस्था मिलेनियम च्यालेन्ज कर्पोरेशन (एमसीसी) अन्तर्गत कार्यान्वयन भइरहेका आयोजनासँग सम्बन्धित एमसीसी कोषबाट हुने भुक्तानी रोकिएको छ।
अर्थमन्त्रालयले आज साँझ जारी गरेको विज्ञप्तिअनुसार, नेपाल सरकार र एमसीसीबीच सम्वत् २०७४ भदौ २९ मा सम्पन्न कम्प्याक्ट सम्झौताअन्तर्गत सञ्चालित आयोजनाका भुक्तानी प्रक्रिया हालका लागि स्थगित गरिएको छ।
यो निर्णय अमेरिकी राष्ट्रपतिको २०२५ जनवरी २० मा जारी ९० दिनको स्थगनसम्बन्धी कार्यकारी आदेशअनुसार गरिएको हो।
“अमेरिकी सहायता संस्था मिलेनियम च्यालेन्ज कर्पोरेशन (एमसीसी) ले मिति २०८१ माघ २ गते (फेब्रुअरी १५, २०२५) को इमेलमार्फत नेपाल सरकारलाई जानकारी गराउँदै, सम्झौताअन्तर्गत कार्यान्वयन भइरहेका आयोजनासँग सम्बन्धित एमसीसी कोषबाट हुने भुक्तानी राष्ट्रपतिको कार्यकारी आदेशअनुसार रोकिएको जनाएको छ,” विज्ञप्तिमा उल्लेख छ।
