एजेन्सी। चीनको कुल गार्हस्थ्य उत्पादन (जीडीपी) सन् २०२६ मा ६ ट्रिलियन युआन (करिब ८७० अर्ब अमेरिकी डलर) भन्दा बढीले वृद्धि हुने अनुमान गरिएको छ।
चीनका शीर्ष आर्थिक योजनाकारका अनुसार यो आर्थिक विस्तारले रोजगारी वृद्धि, जनजीवन सुधार तथा आर्थिक जोखिम नियन्त्रणमा महत्वपूर्ण सहयोग पुर्याउनेछ।
राष्ट्रिय विकास तथा सुधार आयोगका प्रमुख झेङ शान्जीले १४औँ राष्ट्रिय जन कांग्रेसको चौथो सत्रका अवसरमा आयोजित पत्रकार सम्मेलनमा यस्तो जानकारी दिएका हुन्।
उनका अनुसार यदि आर्थिक गतिविधि सामान्य रूपमा सञ्चालन भएमा २०२६ मा चीनको जीडीपी वृद्धि ६ ट्रिलियन युआनभन्दा बढी हुने अपेक्षा गरिएको छ।
झेङले यस आर्थिक वृद्धिले रोजगारी स्थिर राख्न, जनताको जीवनस्तर सुधार गर्न तथा सम्भावित आर्थिक जोखिमहरू नियन्त्रण गर्न बलियो आधार प्रदान गर्ने बताए।
यसैगरी १५औँ पञ्चवर्षीय योजना अवधि (२०२६–२०३०) मा चीनको सेवा क्षेत्रको आकार १०० ट्रिलियन युआन (करिब १४.५ ट्रिलियन अमेरिकी डलर) भन्दा बढी विस्तार हुने अनुमान गरिएको छ।
त्यसैगरी चीनको कृत्रिम बुद्धिमत्ता (एआई) सम्बन्धित उद्योगहरूको मूल्य सन् २०३० सम्ममा १० ट्रिलियन युआन (करिब १.४५ ट्रिलियन अमेरिकी डलर) भन्दा बढी पुग्ने प्रक्षेपण गरिएको छ।
