२०७६ मंसिर : १३ औं साग क्रिकेट
२०७६ माघ : नेपाल, ओमान र अमेरिकाको त्रिकोणात्मक सिरिज
२०७७ पुस : प्रधानमन्त्री कप महिला क्रिकेट
२०७७ माघ : प्रधानमन्त्री कप पुरुष क्रिकेट
२०७६ असोजमा अन्तर्राष्ट्रिय क्रिकेट काउन्सिल (आईसीसी)बाट सशर्त निलम्बन फुकुवा भएपछि नेपालमा आयोजना भएको क्रिकेटका अन्तर्राष्ट्रिय र राष्ट्रिय प्रतियोगिता यत्ति हुन् ।
२०७६ मंसिरमा भएको १३ औं सागको क्रिकेट र माघमा भएको आईसीसी क्रिकेट विश्वकप लिग-२ मा नेपाल, ओमान र अमेरिकाको सिरिजमा नेपाल क्रिकेट संघ (क्यान)को भूमिका व्यवस्थापन मात्र हो । २०७७ माघमा भएको प्रधानमन्त्री कप क्रिकेट पनि राष्ट्रिय खेलकुद परिषद् (राखेप)को आर्थिक सहयोगमा भएको हो । यसमा पनि क्यानको भूमिका व्यवस्थापनमै सीमित भयो ।
अर्थात् १८ महिनामा क्यान आफैंले केही गरेन । यद्यपि क्यानका पदाधिकारीहरु निलम्बन पूर्ण रुपमा फुकुवा नभएको अवस्थामा पनि काम भइरहेको दाबी गर्छन् । कोरोना महामारीले पनि असहज बनाएको उनीहरुको भनाइ छ ।
