काठमाडौं — दशरथ रंगशालामा सोमबार सम्पन्न एनसेल नेपाल सुपर लिग 2025 अन्तर्गतको १७औं खेलमा काठमाडौं रेजर्सले एफसी चितवनमाथि २–० को सानदार जित दर्ता गरेको छ।
खेलको पहिलो हाफदेखि नै आक्रामक देखिएको काठमाडौं रेजर्सका बकेरी मानेले खेलको ३२औं मिनेटमा पहिलो गोल गर्दै टिमलाई अग्रता दिलाए। दोस्रो हाफमा, ७२औं मिनेटमा अमादोउ डियोपले गोल गर्दै टिमको जित सुनिश्चित गरे।
चितवनका खेलाडीहरू लगातार प्रयासरत रहे तापनि काठमाडौंको बलियो डिफेन्स र गोलकिपरको प्रभावकारी प्रदर्शनले गोल फर्काउने कुनै अवसर दिएन। चितवनका शिशिर लेखीको प्रदर्शन सराहनीय रहे पनि टिमलाई गोल दिलाउन सकेनन्।
पुरस्कारहरू:
प्लेयर अफ द म्याच: बकेरी माने (जर्सी नं. ३)
एनर्जेटिक प्लेयर अफ द म्याच: अमादोउ डियोप (जर्सी नं. ११)
खेलको वातावरण बादलयुक्त भए पनि दर्शकहरूको उपस्थिति उल्लेखनीय रह्यो। खेल करिब २४ डिग्री सेल्सियस तापक्रममा सम्पन्न भएको थियो।
खेल विवरण:
मिति: २०८२/०१/०१ (2025/04/14)
स्थान: दशरथ रंगशाला, त्रिपुरेश्वर, काठमाडौं
समय: अपराह्न २ बजे
अन्तिम स्कोर: काठमाडौं रेजर्स २ – ० एफसी चितवन
महत्वपूर्ण क्षणहरू:
गोल (३२’): बकेरी माने – काठमाडौं रेजर्स
गोल (७२’): अमादोउ डियोप – काठमाडौं रेजर्स
नेपाल सुपर लिगको स्तरीय खेल र व्यवस्थित आयोजनाले प्रतियोगिताप्रति आम दर्शकको आकर्षण थप बढाएको देखिन्छ।
