काठमाडौं । दक्षिण अफ्रिकामाथि रोमाञ्चक जित निकाल्दै क्यानडाले फिफा विश्वकप २०२६ को अन्तिम १६ मा ऐतिहासिक स्थान बनाएको छ।
अमेरिकाको लस एन्जलसस्थित रङ्गशालामा सोमबार बिहान भएको पहिलो नकआउट खेलमा क्यानडाले दक्षिण अफ्रिकालाई १–० गोलअन्तरले पराजित गर्दै प्रिक्वार्टरफाइनलमा स्थान सुरक्षित गरेको हो।
क्यानडाको जितमा कप्तान स्टेफेन युस्टाकियो नायक बने। उनले दोस्रो हाफको इन्जुरी समयमा गरेको एकमात्र गोल नै खेलको निर्णायक गोल बन्यो।
यस जितसँगै तेस्रोपटक विश्वकप खेलिरहेको क्यानडाले पहिलोपटक प्रतियोगिताको अन्तिम १६ मा पुग्ने इतिहास रचेको छ। यसअघि क्यानडा विश्वकपका सबै संस्करणमा समूह चरणबाटै बाहिरिएको थियो।
समूह चरणमा क्यानडा समूह ‘बी’ को उपविजेता बन्दै नकआउट चरणमा पुगेको थियो भने दक्षिण अफ्रिका समूह ‘ए’ को उपविजेताका रूपमा अन्तिम १६ मा पुगेको थियो। तर नकआउट चरणमा क्यानडाले उत्कृष्ट प्रदर्शन गर्दै दक्षिण अफ्रिकाको यात्रा समाप्त पार्यो।
