काठमाडौँ । नेकपा (एमाले) ले आगामी फागुन २१ गते हुने प्रतिनिधिसभा निर्वाचनका लागि खोटाङ र धनकुटामा प्रतिनिधिसभा उम्मेदवारको टुंगो लगाएको छ ।
शनिबार पार्टी केन्द्रीय कार्यालय च्यासलमा बसेको सचिवालय बैठकले खोटाङबाट देवविक्रम राई र धनकुटाबाट राजेन्द्र राईलाई प्रतिनिधिसभा उम्मेदवार चयन गरेको हो । दुवै जिल्लामा प्रतिनिधिसभाअन्तर्गत एक–एक मात्र निर्वाचन क्षेत्र रहेका छन् ।
धनकुटाबाट उम्मेदवार बनेका राजेन्द्र राई यसअघि पनि सोही निर्वाचन क्षेत्रबाट प्रतिनिधिसभा सदस्यमा निर्वाचित भइसकेका छन् ।
