१४ चैत, काठमाडौं । पूर्वी पहाडी जिल्ला इलाम चियाबारीका कारण चर्चित छ । पाखाभरिको चियाबारी, खोल्साका अलैंची र दोबाटोभरि दूध बोकेका घोडा हेरेर इलाम आउने पर्यटक लोभिन्छन् ।
इलामको आकाश क्षणभरमै कुहिरोले ढाकिन्छ, केहिबेरमै खुला हुन्छ । चिसो सिरेटो र परिवर्तन भइरहने मौसमले आगन्तुकसँग लुकामारी खेलेझैँ आभास गराइदिन्छ ।
इलाममा पनि कन्याम चिया बगानका कारण चर्चित छ, श्रीअन्तु र सन्दकपुरमा पर्यटकहरु झुल्के घाम हेर्न आउँछन् ।
इलामको विषयमा विभिन्न सर्जकहरुले गीत लेखेका छन् । गीतकार गंगाराज मुकारुङले लेखेका छन्, ‘इलामे सहर, चियाबारी राम्रो, त्यहीँ पर्यो घर हाम्रो ।’ भूपि शेरचनले लेखेका छन्, ‘देशभर नै अलिअलि इलाम छरिदिन मन लाग्यो ।’
