काठमाडौं: अभिनेत्री तथा अभियन्ता आशिका तामाङलाई प्रहरीले पक्राउ गरेको छ। बुधबार दिउँसो स्वयम्भु क्षेत्रबाट उनलाई नियन्त्रणमा लिइएको हो।
जिल्ला प्रहरी परिसर काठमाडौंका प्रमुख एसएसपी बसन्त रजौरेका अनुसार तामाङलाई अभद्र व्यवहारसम्बन्धी मुद्दामा पक्राउ गरिएको हो। प्रहरीका अनुसार पुस २५ गतेको प्रहरी प्रतिवेदन र पुस २६ गते पशुपति क्षेत्र विकास कोषद्वारा दर्ता गरिएको जाहेरीका आधारमा पुस २८ मा जिल्ला प्रशासन कार्यालयबाट पक्राउ अनुमति प्राप्त भएको थियो।
उक्त अनुमति अनुसार बुधबार स्वयम्भु क्षेत्रमा खटिएको प्रहरी टोलीले उनलाई पक्राउ गरी प्रहरी वृत्त गौशालामा बुझाएको छ। घटनासम्बन्धी थप अनुसन्धान जारी रहेको प्रहरीले जनाएको छ।
