वीरगञ्ज: वीरगञ्ज सुक्खा बन्दरगाह भन्सार कार्यालयले चालु आर्थिक वर्षको आठ महिनामा रु ३२ अर्ब ३२ करोड ८८ लाख ७८ हजार राजस्व सङ्कलन गरेको छ। भन्सार विभागले यस कार्यालयलाई वार्षिक रूपमा रु ६० अर्ब ४ करोड ८७ लाख ९७ हजार राजस्व सङ्कलन गर्ने लक्ष्य दिएको थियो।
सुक्खा बन्दरगाह भन्सार कार्यालयका प्रमुख धनबहादुर बरुवालका अनुसार पछिल्ला दुई महिनामा मासिक लक्ष्यको ९२ प्रतिशत राजस्व सङ्कलन हुन सफल भएको छ।
राजस्व सङ्कलन विवरणअनुसार,
साउनमा रु ३ अर्ब ७५ करोड,
भदौमा रु ४ अर्ब ६४ करोड,
असोजमा रु ४ अर्ब ३६ करोड,
कात्तिकमा रु ३ अर्ब ७९ करोड,
मङ्सिरमा रु ३ अर्ब २२ करोड,
पुसमा रु ३ अर्ब ५६ करोड,
माघमा रु ४ अर्ब २९ करोड,
फागुनमा रु ४ अर्ब ६८ करोड राजस्व सङ्कलन भएको छ।
चालु आवको आठ महिनामध्ये सबैभन्दा बढी राजस्व फागुन महिनामा सङ्कलन भएको छ।
