आज नेपालमा कोरोना भाइरसबाट ४ हजार ९ सय २८ जना संक्रमित भएका छन् । उपत्यका सहित देशका विभिन्न स्थानमा निषेधाज्ञा सुरु भएकै दिन सो संख्यामा संक्रमित थपिएका हुन् । यस्तै आजबाट थप ३५ जनाको मृत्यु भएको छ । यससँगै कोरोनाबाट ज्यान गुमाउनेको संख्या ३ हजार २ सय ४६ पुगेको छ।
यस्तै उपत्यकामा मात्रै १५६१ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार काठमाडौंका ११ सय २७ जना, भक्तपुरका १८२ जना र ललितपुरका २५२ जना कोरोना संक्रमित भेटिएका हुन् ।
आज ८८८ जना डिस्चार्ज भएका छन्। देशभर सक्रिय संक्रमितको संख्या ३४ हजार ११७ पुगेको छ। यसैगरी देशभर पछिल्लो २४ घन्टामा १२ हजार ५ सय ९७ पीसीआर तथा ९६३ एन्टिजेन परीक्षण भएको छ।
