काठमाडौं: काठमाडौं महानगरपालिकाले आजदेखि हाँडीगाउँका विभिन्न रुटमा एकतर्फी सवारी प्रणाली लागू गरेको छ। पुस ५ गते महानगरको भवन व्यवस्था समितिको बैठकले सडक चाप कम गर्न यो निर्णय गरेको हो।
साँघुरा सडकका कारण यात्रु, चालक, र स्थानीयले लामो समयदेखि असुविधा भोग्दै आएका थिए। स्थानीयवासीले एकतर्फी प्रणालीले आवागमन सहज बनाउने विश्वास व्यक्त गरेका छन्।
एकतर्फी भएका रुटहरू:
🔹 थटु मार्गबाट भीमसेन मार्ग, हात्ती महांकाल हुँदै हाँडीगाउँ – सवारी साधनले यही रुट मात्र प्रयोग गर्न पाउने।
🔹 विशालनगरबाट आउने सवारी – भीमसेन मार्ग हुँदै मात्र अगाडि बढ्न पाउने, वडा नं. ५ कार्यालयतर्फ प्रवेश निषेध।
🔹 हाँडीगाउँ हुँदै ढुंगेधारातर्फ सोझो प्रवेश निषेध – सवारीलाई थटु मार्ग हुँदै जानुपर्ने।
🔹 नक्साल भाटभटेनीबाट आउने सवारी – वडा नं. ५ कार्यालयबाट थटु मार्गतर्फ जान रोक लगाई भीमसेन मार्गतर्फ मात्र अनुमति।
🔹 ढुंगेधाराबाट हात्ती महांकालतर्फ प्रवेश निषेध।
🔹 वडा नं. ५ कार्यालयको दक्षिणतर्फबाट गहना पोखरीतर्फ जाने सवारी निषेध।
🔹 बालमन्दिरबाट टंगाल जाने कैलाश मार्ग – बालमन्दिरतर्फबाट मात्र प्रवेश अनुमति, टंगालबाट निषेध।
महानगरपालिकाले यो व्यवस्थाले ट्राफिक व्यवस्थापन सहज हुने दाबी गरेको छ।
